Ruoŧa beale Sámedikki kultuvralávdegoddi lea juolludan kultuvradoarjagiid iešguđet prošeavttaide.
Oktiibuot lea Sámediggi juolludan 608 000 ruvnna iešguđetlágan kulturprošeavttaide Ruoŧa bealde.
Eanemus doarjaga oaččui Duojáriid ja dáiddáriid searvi ráhkadit ruovttusiiddu ja registera sin miellahtuid birra. Searvi oažžu 100 000 ruvnna dan prošektii. Searvvis leat 72 miellahtu ja stivrajođiheaddji lea Nils Johan Labba.
Earát geat leat juolluduvvon kultuvradoarjagiid leat:
Máláge Sámisearvi, Vuovdegiid guovddáš ja musea – 70 000 ruvnna
Revanschen, Revanschen 2023 – 100 000 ruvnna
Girona Sámesearvi, Duodjekursa – 19 000 ruvnna
Såhkie sámesearvi, Dutkanbargguide mas sámi fádda – 28 000 ruvnna
Såhkie sámesearvi, Várdduo bálkkašupmái 2023 – 31 000 ruvnna
Per-Ola Utsi, Divvut darfegoađi Váissas – 60 000 ruvnna
Amnesty Sápmi, Muitobeaivi 2023 Sámi bázahusat ja bassi dávviridda – 50 000 ruvnna
Sámi Duodji, Sámi Duoji 30 jagi ávvudeapmái – 50 000 ruvnna
Aira Dance Company AB, Skájdde – 50 000 ruvnna
RFSL Jämtland Härjedalen, Saemien boelhke Staaren Pridesne – 50 000 ruvnna
