Riikaantikvára bušeahtas leat várren 6 miljovnna ruvnnu automáhtalaččat ráfáidahtton sámi visttiide mat leat priváhta oamis.
Riikaantikvára bušeahtas boahtte jahkái jotkojuvvo ruhtadoarjja 6 miljovnna ruvnnu rádjái, nannen dihtii čuovvulanbarggu mii dahkko automáhtalaččat ráfáidahtton sámi visttiiguin automáhtalaččat ráfáidahtton sámi visttiid seailluhanprográmma oassin. Bargu galgá čađahuvvot sohppojuvvon prinsihpaid mielde automáhtalaččat ráfáidahtton sámi visttiid hálddašanplána mielde, maid Sámedikki dievasčoahkkin lea mearridan. Riikaantikvára máksá doarjjaruđaid poasttas 71 Sámedikki ávžžuhusa mielde. Riikaantikvára áigu addit dárkilit láidestannjuolggadusaid doarjaga geavaheapmái.
