-Almmuhus-
SMÁVVAOĐĐASATKveana dállu Omas­vuonas ráfái­dahtto 

Kveana dállu Omas­vuonas ráfái­dahtto 

Journalista

-

-

Riikaantikvára ráfáidahtii Hottitalo/Hottigården Omasvuonas Davvi-Romssas kveanaálbmot beaivvi, njukčamánu 16. beaivvi.  

– Dát lea dehálaš gáldu kveanaid historjái Norggas mii dál lea ráfáidahtton boahtteáigái. Kveanaálbmot lea okta dan viđa nationála unnitloguálbmogis Norggas. Dát ráfáidahttin lea mielde seailluheamen kulturbirrasiid máŋggabealatvuođa miehtá riikka, lohká dálkkádat- ja birasministtar Espen Barth Eide (Bargiidbellodat) preassadieđáhusas.

Hottidállu ráfáiduhtto dan dihte go dat dállu lea dehálaš kulturhisttorjjálaš ja huksenhistorjjálaš ovdamearka lotnolasealáhussii ja dasa mo mo Ivgus Davvi-Romssas huksejedje dáluid kveana huksenvieru mielde. Dállu galgá seailluhuvvot nu mo kveana dállodoallu duođaid birgii mearraguolástemiin, eanadoaluin ja meahcástallamiin ainge gitta 1750-lohkui. Dálá dálut leat huksejuvvon 1900-logus.

– Mii leat ilus go Hottidállu ráfáidahtto kveana kulturmuitun. Dat duođašta árbevirolaš birgejumi rittus mas lei fiervvás návstu ja jiellidoallu ja šillju miellis bajábealde, lohká Skibotn kveanasearvvi jođiheaddji Leif Bjørnar Seppola.

Dát ráfáidahttin lea oassi Riikaantikvára nationála unnitloguid kulturmuittut vuoruheamis. 

-Almmuhus-