Sámediggeráđđi Runar Myrnes Balto ja politihkalaš ráđđeaddi Anne Toril Balto Eriksen galledeaba Álttá borramušstašuvnna (Alta matstasjon) ihttin.
Sámediggeráđis lea mihttun ovddidit Sámedikki sosiálapolitihka, ja áigu dan oktavuođas oahppat eanet movt Álttá borramušstašuvdna organisere iežas barggu juohkit badjebázabiepmu dárbbašeddjiide.
– Galledeamis gullaba eanet plánaid birra viiddidit biebmostašuvnna fátmmastanguovllu nu ahte váldet mielde maiddái sámi suohkaniid Finnmárkkus. Šaddá maid digaštallan vejolaš ovttasbarggu birra, čállá Sámediggi.
