Meterolagalaš instituhtta lea sádden váruhusa ja muitalit ahte galgá várrogasat vuodjit Davvi-Norggas gos fas dálvá.
Dálkeeinnosteaddjit dieđihit ahte Davvi-Norggas sihke šlahttá ja borgá gaskavahkku.
Nordlánddas sáhttá čuovvovaš jándorii borgat 5-15 sentte, Romssas 15-30 sentte ja Finnmárkkus 10-15 sentte, dieđiha Meterolagalaš instituhtta.
– Duorastaga maid sáhttá arvit, šlahttit ja muohttit, muhto beaivvi mielde jorrá bieggá nuortadavádagas nuortaluládahkii, nu ahte de firtegoahtá duorastaga. Bearjadahkii einnostit eanaš fierttu, muhto báikkuid lea njuoskkadat, dadjá meteorologa Ola Mellem Nordlys aviisii.
