Deanu gielda álggaha ođđa deaivvadansaji man gohčodit «eadnái-áhččái-mánnái».
– Mii vuoruhat nissondearvvašvuođa, heivehuvvon lášmmohallama, sosiála fuolaheami ja bootcampa!, čállá Deanu gielda iežaset neahttasiiddus.
«Eadnái-áhččái-mánnái» álggahuvvo čakčamánu 14. beaivvi, ja doaibmá gaskavahkuid.
Deaivvademiide bohtet iešguđet veahkit, nu mo earret eará sealgeeadni, dearvvašvuođadivššár, ja fysioterapevta, ovttasráđiid dearvvašeallinguovddážiin ja eaktodáhtolašguovddážiin.