Olbmos, geas lea duođaštuvvon korona, eai lean dávdamearkkat.
Okta olmmoš Deanu gielddas lea testen positiivan covid-19 jođánisteasttas vuossárgga njukčamánu 8. beaivvi.
– Sus eai leat makkár ge symptomat ja lea dál ruovttusirremis. Njoammunguorran lea dahkkon, ja okta dállolahttu lea biddjon erremii, dieđiha dearvvasvuođa ja fuolahusa gielddalaš hoavda Anu Nilsen gieldda neahttasiiddus.
Dállolahttu lea vuossárgga iskkahan lea go sus njoammudávda ja lei negatiiva boađus jođánisiskosis. Gielda dieđiha ahte eai leat gávdnon eará lagašoktavuođat mat čuvošedje lagašoktavuođa njuolggadusaid.
Ii leat leamaš barggus
Bargoaddi lea ožžon dieđu njoammuma birra ja gielda lea fállan eará bargiide maid vejolašvuođa váldit iskosa. Vuossárgga lea váldojuvvon dan olbmos dábálaš iskkus lassin jođánisiskosii, ja iskosa boađus vurdojuvvo guovtti beaivvi geahčen. Sus geas lei positiiva iskkus lei ovddit háve negatiiva boađus dábálaš iskosis ( ii jođánisiskkus) golmma beaivvi dassái, iige leat leamaš barggus dan rájes.
