Rávisolbmot sáddet eambbo ja eambbo čeahpibun fuolahit ahte mánát čohkkájit riekta sihkkarastojuvvon biillas. Dál čohkkájit 63 proseantta gaskal 1- ja 3-jahkásaš máná maŋos guvlui biilastuolus, dieđiha Trygg trafikk preassadieđáhusas.
Rávisolbmot sáddet eambbo ja eambbo čeahpibun fuolahit ahte mánát čohkkájit riekta sihkkarastojuvvon biillas. Dál čohkkájit 63 proseantta gaskal 1- ja 3-jahkásaš máná maŋos guvlui biilastuolus, dieđiha Trygg trafikk preassadieđáhusas.
Dan čájehit bohtosat mat leat váldon 3230 dárkkisteamis Trygg Trafikkas ja If dáhkádusfitnodagas buot guđa UP-guovlluin riikkas.
Dan jagáš dárkkisteamit čájehit ahte 63 proseantta 1–3-jahkásaš máná čohkkájit mánáidstuolus mii lea maŋos guvlui. Go buohtastahttá 2010:in, de čohkkájedje dušše 20 proseantta máná maŋos guvlui.
– Dál leat eambbo rávisolbmot ipmirdan ahte mánát leat eambbo sihkkaraston go čohkkájit maŋos guvlui biillas. Mánáidstuollu mii lea maŋos guvlui lea buot sihkkareamos ja sihkarvuohta ferte boahtit ovdalii buot eará. Mánát leat diehttelasat buot dehálepmosat mat mis leat ja dat ánssášit dan mii leat buot sihkkareamos biillas, lohká Trygg Trafikk gulahallanhoavda Ann-Kathrin Årøen.
Oslos ja Davvi-Norggas čeahpimusat
Oslos čohkkájit 72 proseantta vuollel 4-jahkásaš máná maŋos guvlui, ja Davvi-Norggas fas 71 proseantta.
– Muhtin rávis olbmot eai dieđe ahte maŋos sihkkarastit lea sihkkareamos. Muhtimat lohket ahte eai bija máná maŋos guvlui go háliidit oaidnit máná go vudjet dahje sin mielas lea beare gárži stuoluid gaskka. Mii leat čielgasat dakko ahte sihkarvuohta lea dehálaš, lohká Årøen.
Biilaboahkána haga stohke biillas
70-logus dušše birrasii čuođi máná johtolagas juohke jagi. Dál ii leat báljo okta ge.
Čilgehus dasa lea ahte mánát, geat čohkkájit rievttes mánáidstuolus, leat sihkkaraston bures ja ahte eanet mánát čohkkájit maŋos guvlui dassážii go leat njealjejahkásaččat.
– Oallut váhnemat muitet sihkkarit ieža ahte sii veallájedje dahje stohke biilestuolus nu ahte ii leat mánáidstuollu ii ge biilaboagán. Ii mannan álot bures, ja oallugat dušše dahje roasmmohuvve go sihkarvuohta lei nu heittot, lohká Jan Olav Nilssen, If vaháteastadeaddji doaimma jođiheaddji.
