Lagabui bealli vuddjiin lohket sii isket telefuvnna vuojedettiin. Dál háliida Geaidnopolitiija garrasut sáhkuid.
Jus gávnnahallo geahččamin giehtatelefuvdnii vuojedettiin, de lea sáhkku 1.700 kruvnna ja guokte čuoggá vuodjinkoarttaregistarii.
Gaskal 67-59 proseantta 18-49 jahkásaččain gehččet telefuvnna vuojedettiin, čállá Frende Forsikring preassadieđáhusas.
Norstat iskosa logut čájehit 43 proseantta lohket ođđa iskosis ahte sii isket giehtatelefuvnna vuojedettiin.
– Ii leat doarvái balddihahtii ja mun evttohan lasihit sáhkumeari, lohká Geaidnopolitiija hoavda Steven Hasseldal.
Gieskat sáddii ráđđehus gulaskuddamii evttohusa lasihit sáhku 5.000 kruvdnii jus gávnnahallo vuojedettiin geahččamin giehtatelefuvdnii. Čuoggáid evttohit lasihit guovtti čuoggás golmma čuoggái.
