Čiežas leat dál nammaduvvon geahčadit boazodoalu heahtegearggusvuođa.
2022/2023 boazodoallošiehtadusas šadde stáhta ja Norgga Boazosápmelaččaid Riikkasearvái (NBR) ovttaoaivilii ásahit bargojoavkku mii galgá geahčadit boazodoalu heahtegearggusvuođa. Sii geat leat válljejuvvon bargojovkui leat:
Tom Lifjell, Per Thomas Oskal, Berit Kristine Utsi,Simen Olafsen, Ing-Lill Pavall, Jan Gunnar Brattli ja bargojoavkoujođiheaddji lea Silje Trollstøl, čállá Eanandoallo- ja biebmodepartemeanta reivves.
Bargojoavkku mándahta
Bargojoavkku mandáhta lea, ráhkadit dustehusplána málle orohagaide. Vuođđu lea NIBIO álgočálus mállii. Sii galget maid árvvoštallat mo gearggusvuođalávdegoddi lea doaibman maŋemuš guohtunroasus. Dan ollis galget geahčadit dárbbu justeret gearggusvuođa mándahtá. Bargojoavku maid galgá geahčadit mo sáhttá gearggusvuođalávdegotti barggu effektiviseret, dalle čujuhuvvo mo čađahuvvo geahčadeapmi ja čoahkkimat. Bargojoavku galgá maid árvvoštallat dárbbu ráhkadit málle mas čujuha makkár ceahkis guohtonroassu lea ja mállii geahčadanraporttaide. Sin mándahtá lea maid geahčadit mo doarjja mákso lea doaibman orohat heahtefoanddaide. Loahpas galget vel geahčadit mo dálá heahtedustehus njuolggadusat ja vuogádat lea doaibman ja lea go dárbu rievdadusaide.
