-Almmuhus-
-Almmuhus-
OĐĐASAT Dárkkistit olbmuid rájiid alde

Dárkkistit olbmuid rájiid alde

-

-

Maŋemuš áiggi leat politiijat ja Romssa ja Finnmárkku Fylkkamánni registreren oallugiid geat vuorjašuvvet olgoriikka turisttaid dihte Davvi-Norggas, ja ožžon olu mediagažaldagaid politiijaid barggu birra rájiid alde davimus fylkkain.

– Mii ipmirdat ahte muhtimat sáhttet vuorjašuvvat go servodat veahážiid mielde rahppo, lohká hálddašeaddji fylkamánni, Bård M. Pedersen.

Son lea ilus go dál sáddejuvvojit čielggadeaddji dieđut eiseváldiid bealis veahážiid mielde rádjerahpama birra.

Romssa ja Finnmárkku fylkkamánni lea našunála eiseválddiiguin váldán ovdan hástalusa olgoriikka mátkkošteddjiid ja koronadávdda leavvanvára ektui. Dat dahkkojuvvui go leat nu olu dieđuid ožžon suohkaniin vuorjašumiid birra. Ášši lea digaštallojuvvon earret eará  servodatsihkarvuođadirektoráhta, DSB, dearvvašvuođadirektoráhta ja fylkkamánniid oktasaš čoahkkimis. 

– Min dearvvašvuođa ja gearggusvuođa ossodagat čuvvot dili dárkilit. Fylkkamánni bargu lea addit dieđuid pandemiija ovdáneami birra min guovlluin našunála eiseválddiide, lohká Pedersen. 

Váldonjuolggadus lea ahte olgoriikka olbmot eai oaččo boahtit riikii, muhto leat olu spiehkasteamit dan njuolggadusas. EEO-ássit, geat galget bargat Norggas ja ruoŧŧelaččat geain lea barta Norggas, leat muhtimat oallugiin geat besset Norgii. Sis geain lea lohpi boahtit riikkii, lea máŋgasis geatnegasvuohta doallat iežaset erremis.

– Mis lea lasihuvvon fuomášupmi persovdnadárkkisteapmái politiijaguovllu siskkobealde, mii boahtá lassin dárkkistemiide rájiid alde. Sii geat eai leat spiehkastsnjuolggadusaid siskkobealde, bissehuvvojit beassamis riikii, lohhká Finnmárkku politiijaguovllu Lise Flø.

Finnmárkku politiijaguovllu Per Øyvind Skogmo lohká ráji Gilbbesjávrris politiijaid leat fysalaččat rájá alde dárkkisteame.

– Lassin leat mis áigodatlaš dárkkisteamit iešguđet áiggiid sihke rájá alde ja rájáid lahka. Min vásáhus rádjedárkkistemiin lea ahte eanasoassi sis geat bohtet rájá ala, devdet eavttut beassat riikii, lohká Skogmo.

- Advertisement -
-Almmuhus-