-Almmuhus-
-Almmuhus-
OĐĐASAT Dárkki­stedje guorbme­biillaid – Vuoddji váido­juvvo 

Dárkki­stedje guorbme­biillaid – Vuoddji váido­juvvo 

-

-

Gávcci guorbmebiilla šadde bisánit Kvenvikmoenii, go Stáda geaidnodoaimmahat gilddii sin vuodjimis mánnodateahkeda.

Oktiibuot 38 guorbmebiilla dárkkistuvvojedje 48 guorbmebiillas mat vudje dárkkistanbáikki meattá. 

Mánnodateahket dárkkistii Stáda geaidnodoaimmahat guorbmebiillaid Kvenvikmoenis Álttás. Oktiibuot 38 guorbmebiilla dárkkistuvvojedje. Gávccis dain ožžo vuodjingildosa báikkis.

Olgoriikka goallosvovnnas váillui goazan nuppe bealde ja váilo máŋga čuovgga. Nuppi guorbmebiillas fas lei beavdi ovddabealde ovdaláse mii hehttii oainnádaga. Golmmas ožžo vuodjingildosa go eai lean sihkkarastán guorpmi, ja golbma eará biilla fas ožžo gildosa eará teknihkalaš sivaid geažil. Earret eará váillui ovtta guorbmebiillas mearka ahte das lea várálaš guorbmi. 

Okta vuoddji ii bisánan Stáda geaidnodoaimmahaga dárkkisteapmái ja váidojuvvo dan geažil. Vuoddji mieđiha dilálašvuođa. 

- Advertisement -
-Almmuhus-