Finnmárkku bargoaddit váillahit 900 bargi dán jagi, ja dárbu bargiide geain lea oahppu lea stuoris, čájeha Finnmárkku NAV jahkásaš fitnodatiskkus.
Finnmárkku bargoaddit váillahit 900 bargi dán jagi, ja dárbu bargiide geain lea oahppu lea stuoris, čájeha Finnmárkku NAV jahkásaš fitnodatiskkus.
Fitnodagat leat dieđihan dárbbahit eanet bargonávccaid, ja dárbu lea lassánan goalmmádasosiin diimmáža ektui. Fitnodatjoavkkut mat vurdet eanet bargiid oažžut leat maid sturron.
Buorre doaivva fitnodagain
– Čájehuvvo buorre doaivva go fitnodagat jáhkket eanet bargiid virgádit. NAV:s lea dehálaš bargu olahit dárbbuid bargonávccaid ektui ovttas bargoaddiiguin, muitala Finnmárkku NAV direktevra Nina Haugen.
Eanemus dárbu oahppanolbmuide
Suorggit, main eanemus dárbu lea oahppanolbmuide, leat dearvvašvuohta ja sosiálasuorggis, huksen ja rusttetsuorggis ja oahpahussuorggis. Dáin surggiin fylkkas vurdet dárbbašit eanet bargiid lagamus áiggis.
Dušše 14 proseantta fitnodagain lea dárbu bargiide geain ii leat oahppu, čájeha iskkus. Stuorimus dárbu bargiide geain ii leat oahppu lea gálvo-, hotealla- ja borranbáikkisuorggis.
