Loabága suohkanstivra lea válljen miellahtuid ođđa sámi áššiid ráđđeaddiorgánii.
Cuoŋománus mearridii Loabága suohkanstivra ásahit sierra sámi áššiid ráđđeaddiorgána mii galgá gieđahallat sámi guoskevaš áššiid ovdal politihkalaš meannudeami.
Suohkanstivračoahkkimis mearriduvvui maid ahte ráđđeaddiorgána miellahtut galget válljejuvvot ovdal geasseluomu. Ievttá suohkanstivračoahkkimis mearriduvvui ovttajienalaččat dáid nammadit ráđđeaddiorgánii:
Inger Tjikkom
Olav Mathis Eira (Gielas orohat)
Gisle Aarberg
Mai-Britt Halonen
Ard-Erik Hermansen (Ruŋgu historjásearvi)
Risten Inga Eira, Inger Ann Fossli ja Rigmor Thomasen leat várrelahtut.
Loabága sámi áššiid ráđđeaddiorgána válljejuvvo njealji jahkái.