Lágideaddjit gehččet dál baicce ovddosguvlui boahtte jagáš sihkkelrittii.
Bingesritta ,mii galggai lágiduvvot lávvordaga, borgemánu 26. beaivvi, šluhttejuvvo. Sivvan dasa lea beare unnán ovdagihtidieđiheamit.
Preassadieđáhusas čállet ahte sin vásáhus lea ahte eai leat nu oallugat geat seamma beaivvi dieđihit.
Lágideapmi lea stuoris mas leat 60 eaktodáhtolačča ja gáibida olu ovdabarggu.
– Min háliidit sihkkarastit dorvvolaš ja positiiva vásáhusa buohkaide geat servet, ja mii jáhkkit ahte šluhttet dán jagáš sihkkelritta lea rievttes mearrádus doalahan dihte ritta dási, dadjá rittajođiheaddji, Marit Helene Eira, preassadieđáhusas.
Sis leat juo jurdagat boahtte jagáš rittii.
– Mii oaidnit potensiála viiddidit sihkkelritta. Bingesrittii leat buot jagiid searvan eambbosat hárjehallanluohkkái go gilvoluohkkái. Bingesritta lea maid oallugiidda vuosttaš sihkkelritta maid sihkkelastet, ovdal go servet guhkit ja eambbo hástaleaddji sihkkelrittaide.
Dieđihandivat ja máksojuvvon bussebileahtat máksojuvvojit ruovttoluotta sidjiide geat leat máksán.
