-Almmuhus-
-Almmuhus-
OĐĐASAT – Dán ale suova iežat máná dahkat

– Dán ale suova iežat máná dahkat

-

-

Trygg Trafikkas lea čielga ráva váhnemiidda dihtordulbosa geavaheapmái.

Lea dehálaš páhkket biilla bures go lupmui galggat vuolgit, ja dan seamma lea mánáid sihkkarastit. Liikká diktá juohke viđát váhnen máná geahččat dihtordulbosa dahje mátketelefuvnna mii ii leat biddjon gitta masage. 

– Dat sáhttá sorbmet sihke mánáid ja rávesolbmuid, dadjá Trygg Trafikk preassadieđáhusas.

–Jus oktiibeaškkeha 80 km/dii šaddá kilosaš diŋga deaddigoahtit 25 kilo. iPad dahje mátketelefovdna lea geahppaset go dat, muhto lea unni ja das leat bastilis čiegat mat sáhttet sorbmet sihke mánáid ja rávesolbmuid oktiibeaškkeheamis, dadjá Trygg Trafikk gulahallanšeaffa, Ingrid Trømborg.

Sis geat leat biilalupmui vuolgime geasset, dadjá badjel bealli, 59 proseantta, ahte sis leat eará luovos diŋggat biillas go bohttalat ja veaskkut. Trygg Trafikk vároha:

– Lea dehálaš ahte eai galggašii luovos diŋggat vuojidettiin. Lea jođán vajálduhttit ahte bohttalat, girjjit ja eará spealut leat várálaččat jus garrasit šaddá goazastit. Bija luovos diŋggaid biilla maŋŋegeahčái, čohkkánsadjelummaide ja čohkkánsaji vuollái, dadjá Trømborg.

Logut leat vižžon YouGov iskosis Trygg Trafikk ovddas.

Ávžžuhit dihtordulbosiid bidjat biilii gitta

Gávdnojit dakkárat maidda dihtordulbosa bidjá gitta biillas vuojidettiin, mii lea sihkar jus oktiibeaškkeha, ja dan ávžžuha Trygg Trafikk.

– Soaitá leat buorre jus mánáide lea áigeájanas, erenoamážit jus galgá vuodjit guhkás. De lea smávva investeren diehtit ahte lea oadjebas jus mihkke geavvá, dadjá Trømborg.

- Advertisement -
-Almmuhus-