– Mii doarjut evttohusa bisuhit dálá jávkanráji mii lea 10 proseantta. Seammás lea Lektorlaget eahpesihkar galgá go iešdieđáhus boahtit doavtterduođaštusa sadjái go lea dearvvašvuođajávkan, dadjá Lektorlaget jođiheaddji.
Disdaga bođii joatkkaskuvllaide evttohus ođđa jávkannjuolggadusaide. Oahppodirektoráhtta buktá guokte molssaeavttu gulaskuddanevttohussii. Sii ávžžuhit evttohusa mii dadjá ahte jávkanrádji galgá loktejuvvot 15 prosentii, ahte buot jávkan galgá lohkkot ja ásahit iešdieđáhusa.
Nubbi evttohus gulaskuddamis vuođđuda dálá njuolggadusaid mas 10 % jávkanrádji, muhto mielddisbuktá maid ahte ásahuvvo iešdieđáhus doavtterduođaštusa sadjái go jávká buozalmasvuođa geažil.
– Direktoráhtta ávžžuha loktet jávkanráji 15 prosentii. Dat lea oalle badjin, dadjá Helle Christin Nyhuus, Lektorlaget jođiheaddji preassadieđáhusas.
– Lagasvuohta skuvllas lea eaktu oahppamii, ja hukset buori searvevuođa. Searvandihte aktiivvalaččat oahpahussii, nu go oahppit leat geatnegahtton ođđa oahpahuslágas, de ferte vuosttažettiin leat báikkis, lasiha son.
Jávkan ii galgga boahtit ovdan oahppo- ja gelbbolašvuođaduođaštusas
Dat nubbi ávžžuhuvvon evttohus mielddisbuktá maid ahte jávkan ii galgga boahtit ovdan oahppoduođaštusas ja gelbbolašvuođaduođaštusas, ja ahte galgá geatnegahtton čuovvolanságastallan ohppiiguin geain lea olu jávkan ovtta fágas.
– Go jávkan ii galgga šat boahtit ovdan oahppoduođaštusas ja gelbbolašvuođaduođaštusas, de mii ballat ahte šaddá sullasaš dilli go pandemiijaáiggi lei, guoros luohkálanjat erenoamážit skuvlajagi loahpas, dadjá Nyhuus.
– Mii áigut maid mearkkašahttit ahte lea dehálaš garvit dan ahte bargu jávkamiin ii šatta vel áddját go dál lea. Láhčit ohppiide dakkár dili ahte sáhttá allá jávkan ja seammás geatnegahttit oahpaheddjiid liige čuovvoleami allá jávkama geažil, ii leat áibbas buorre.
Lektorlaget oaivvilda dálá jávkannjuolggadusat doibmet, ja leat leamaš rahppasat ahte sáhttá veahá justeret daid. Dat nubbi evttohus gulaskuddamis guoská dálá njuolggadusaide, muhto mielddisbuktá maid ásahit iešdieđáhusa doavtterduođaštusa sadjái.
– Dálá njuolggadusat leat dagahan ahte oahppit leat eambbo skuvllas, ja leat ožžon buoret árvosániid. Mii doarjut dan evttohusa ahte doalahit dálá jávkanráji mii lea 10 %. Seammás lea Lektorlaget eahpidahttit ásahit iešdieđáhusa, dadjá Nyhuus.
Lektorlaget áigot lohkat ollislaš gulaskuddanevttohusa ja viežžat oaiviliid iežaset miellahtuin. Gulaskuddanáigemearri lea cuoŋománu 8. beaivvi.
