-Almmuhus-
-Almmuhus-
OĐĐASAT Jávkan­rádji lea addán buoret árvo­sániid ja unnit jávkama

Jávkan­rádji lea addán buoret árvo­sániid ja unnit jávkama

-

-

Maŋŋel go jávkanrádji bođii njeallje jagi áigi, lea jávkan njiedjan 27 proseanttain. Seammás leat ohppiid árvosánit buorránan.

Jávkama njiedjan guoská buot ohppiide. Oahppit geain lea jávkan njiedjan, leat oahppit geain lávii leat eanemus jávkan ovdal.

– Jávkanrádji maid ráđđehus ásahii njeallje jagi áigi, lea dagahan ahte oahppit leat eambbo skuvllas, ja ahte ohppet eambbo. Čájehuvvo ahte lea riekta gáibidit ahte oahppit bohtet skuvlii ja oassálastet joatkkaskuvlla oahpahusas, cealká stáhtaministtar Erna Solberg (Olgeš) preassadieđáhusas.

Go rádji bođii 2016 čavčča, oaččui dat garra kritihka, earret eará Ohppiidorganisašuvnnas. Varas raporta konkludere ahte jávkanrájás leamaš lihkostupmi eatnasiidda, muhto lea menddo árrat dadjat leago rájás leamaš váikkuhus skuvlla heaitimii.

– Go mii vihkket ovdamunit hehttehusaid ektui, ii leat eahpádus ahte jávkanrádji doaibmá bures ja lea buorre eanas ohppiide. Sii leat dávjjit skuvllas, ja olahit eambbo, čállet dutkit raporttas.

-Almmuhus-