Sotnabeaivvi, njukčamánu 25. beaivvi, álgá geasseáigi diibmu 02:00. Dalle fertejit buohkat sirdit diimmu viisára ovtta diimmu ovddos guvlui.
Sotnabeaivvi, njukčamánu 25. beaivvi, álgá geasseáigi diibmu 02:00. Dalle fertejit buohkat sirdit diimmu viisára ovtta diimmu ovddos guvlui.
Čuvges áigi lahkona, ja láve fertet muittahallat guđe guvlui galgá viisára sirdit go geasseáigi álgá.
Sáhtát muitui bidjat: Geahča geasi guvlui, man guvlui mii leat manname, ja de sirddát diimmu viisára ovddos guvlui. Čakčat ges áibbaša ruovttoluotta geassái, ja de sirddát viisára maŋos guvlui.
Justervesenet áigelaboratorias leat njeallje atomadiimmu mat mihtidit áiggi GPS:in ja vuostálaga. GPS ja eará satellihttavuogádagain mihtidit atomadiimmuid iešguđet báikkiin.
Na mii lea geasseáigi?
Geasseáigi lea dat áigodat jagis go diibmu lea ovtta diimmu ovdalis muđuid jagi ektui. Lei vuosttaš máilmmisoađi áigge go geasseáigi álggahuvvui muhtin riikkain Eurohpás.
Ulbmil lei beaivečuovgga ektui heivehit dan áiggi go olmmoš lea gozuid alde. Go eahkedis lei diimmu guhkit čuovgat, de sesttii energiija sihke lieggasii ja čuvgii. Norggas lea geasseáigi leamaš juohke jagi 1980 rájes.
Geasseáigi álgá maŋemus sotnabeaivvi njukčamánus diibmu guovttis, ja loahpahuvvo maŋemus sotnabeaivvi golggotmánus diibmu golmmas.
