-Almmuhus-
-Almmuhus-
OĐĐASATSotna­beaivvi iđitija álgá dálve­áigi 

Sotna­beaivvi iđitija álgá dálve­áigi 

Journalista

-

-

Dál álgá dálveáigi. Muitte sotnabeaivvi, golggotmánu 29.beaivvi, iđitija tiibmu 03.00 tiimmu divustit tiibmoviisáriid tiimma ruovttoluotta.  Digitála rusttegiin, mat leat čadnon internehttii, geavvá dat automáhtalaččat. 

Vuogas muitinvuohki go lea sáhka guđe guvlui galgá tiibmoviisáriid bonjastit čakčat, lea lagamus geasi guvlui ja danin ruovttoluotta ovtta tiimmu. Muhto eanaš digitála rusttegiin, mat leat čadnon internehttii, nu go dihtoriin, telefuvnnain, tiimmuin, dahkko dat automáhtalaččat. Gánnáha gal dárkkistit čájehit go digitála rusttegat rivttes áiggi, dieđiha Justervesenet gulahallanneavvu Ina Marlen Andresen preassadieđáhusas.

Muhto muhtin tiimmuin ja rusttegiin, nu go uvnnain ja biillain, ii dahkko dat automáhtalaččat, ja fertet ieš daid divustit.

Norgga ásahus Justervesenet áimmahuššá ahte Norggas lea rivttes áigi. Das lea njeallje atomatiimmu mat čájehit Norgga almmolaš áiggi. Diehtu daid tiimmuin manná Riikkaidgaskasaš mihtu ja deattu (BIPM) váldoáigeguovdddážii, mii lea oassi máilmmi áiggis, dat nu gohčoduvvon UTC (Coordinated Universal Time). Dan laboratoras fuolahit ahte Norggas čájehuvvo áigi nu dárkilit go vejolaš. Dárkilis áigesignálat leat dehálaččat kritihkalaš infrastruktuvrii mii dárbbaša dárkilis áigeheiveheami.   

-Almmuhus-