Álttás leat 11 700 olbmo ožžon vuosttaš dosa, ja badjel 5000 olbmo ledje ollásit boahkuhuvvon borgemánu 2. beaivvi, muhto eai leat lahka ge geargan.
Skovis, man gávdná Álttá gieldda neahttasiiddus oažžu vejolašvuođa válljet vahkkuid goas eai galgga fállat boahkuid go diehtá ahte ii heive. Sáhttá maid bidjat telefonnummara gos lea olamuttus.
Skovvi lea maid ávkkálaš dutnje gii it háliit boahkuid covid-19 vuostá. Go čuovut liŋkka, de oaččut vejolašvuođa hilgut boahkuid.
Buohkat, geat leat šaddan 1997:s dahje maŋŋel, geat eai leat vel ožžon boahkuid, ja studeanttat geat ožžot boahkuid Álttás, sáhttet geavahit fálaldaga.
