Jahki 2020 leamaš olusiidda váttis. Mánát ja nuorat miehtá riikka lea sádden listtu mas leat logi sávaldaga maid sii sávvet ollesolbmot galget bargat vai mánát dovdet iežaset oadjebassan.
Romssa ja Finnmárkku fylkkamánni Elisabeth Vik Aspaker, mánáid ja nuoraid fáktejeaddji Gro Davidsen, Redd Barna ja seniorráđđeaddi Tone Rasmussen leat ovttasráđiid čállán artihkkala maid mánát ja nuorat sávvet dáid juovllaide, čállet preassadieđáhusas.
Soaittát don šaddat dat buoremus skeaŋka dáid juovllaid, dorvvolaš ollesolmmoš gii duosttat oaidnit ja fuolahit ahte smávimusat ja hearkkimusat min searvvis ožžot veahki dus go dárbbašit eanemus veahki.
Mánáid sávaldatlistu olles jahkái:
1. Leage šiega buot mánáid vuostá, beroškeahttá leat go du vai eai. 2. Váldde máná duođas ja čájet seamma olu árvu go dan maid čájehat ollesolbmuide. 3. Háleš mánáiguin ahte das lea vuoigatvuohta bidjat rájá, ja seksuála veahkaválddálašvuođa birra. 4. Leage don nu mo leat ja liiko mánáide nu mo sii leat. 5. Jeara mánás mo su dilli duođaid lea. Ale heaitte jearramis. 6. Guldal maid mánná muitala, vaikko geavaha eará sániid go don. 7. Jáhke maid mánná muitala, vaikko orru bávččas dahje váivi dan jáhkkit. 8. Leage doarvái čaffat juoidá bargat go mánás lea váttis dilli, vaikko eará ollesolbmuide lea unohas. 9. Muital mánnái ahte don jáhkát sidjiide ja háliidat sin veahkehit. Sii dárbbašit dan gullat. 10. Ale goassege atte máná vuollái!
Dát sávaldatlistu soaitá leat dehálabbo go buot eará listtut.
