Sámediggi bovde rabas álbmotčoahkkimii mii lea duorastateahkeda, ja ulbmil lea čohkket Norgga ja Suoma beale nuortalaš birrasa ságastallat nuortalašgiela dili birra Norgga bealde.
Álbmotčoahkkin lágiduvvo Ä´vv nuortasámi museas Njávdámis 24.03.2022 dii. 16.30 – 21.00 Norgga áiggis. Sámediggeráđđi Mikkel Eskil Mikkelsen (NSR) rahpá ja jođiha čoahkkima.
Álbmotčoahkkin lágiduvvo vai čielggadit nuortalašgiela dili ja dat lea čuovvuleapmi raportta oktavuođas, «Skoltesamisk språksituasjon i Norge – Strategier og tiltak for vitalisering av språket» man doavttir Torkel Rasmussen čađahii Sámedikki ovddas 2021:s.
