Miehtá riikka čogge olbmot 35 miljovnna ruvnno Girku heahteveahkkái (Kirkens Nødhjelp).
Miehtá riikka čogge olbmot 35 miljovnna ruvnno Girku heahteveahkkái (Kirkens Nødhjelp).
40 000 olbmo, geat ledje čoaggime ruđaid Girku heahteveahki bargui, čogge 35 miljovnna ruvnno cuoŋománu 2. – 4. beaivvi.
Dan čájehit dat gaskaboddosaš prognosat maŋŋá go 743 searvegotti leat raporteren sin bohtosiid.
Sisaboađu bohtosat leat miljovnna eambbo go dan maid diimmá akšuvnnas čogge.
Giitevaččat luohttámuša ovddas
Girku heahteveahki generálačálli Anne-Marie Helland lea hirpmástuvvan bohtosiin maid sii ožžo.
– Dat lea rámálaš. 50 jagi fastá akšuvnnain leat mii Girku heahteveahkis beassan ilolaččat čuovvut dan rámálaš veahkebarggu ja addinilu searvegottis ja báikegottis miehtá riikka. Mii leat hui giitevaččat dan luohttámuša ovddas maid sii čájehit, lohká Helland.
– Norgga olbmuid dorajja lea mearrideapmi ahte Girku heahteveahkki galgá beassat jođihit min hui dehálaš barggu. Ovttas váikkuhit mii ahte eatnasat sáhttet beassat eret geafivuođas ja ahte olbmot galget oažžut vejolašvuođa vuolgit eret soađis ja roasus. Juste dál dárbbašuvvo min rahčan earret eará Nuorta-Afrihkás gos lea nu goikkis, ja gos miljovnna olbmo leat garra nealgeáiggis, lohká Helland.
50 jagi
Fásta akšuvdna lea Norgga nubbin stuorámus ruhtačoakkalmas, ja ávvuda 50 jagi dán jagi.
Akšuvnnas lea ulbmil čoaggit ruđaid sidjiide geat dárbbašit dan buot eanemusat.
Akšuvnna ruđat dagahit earret eará ahte lea vejolaš Girku heahteveahkkái leat doppe roasus gos dárbbašit ráinnas čázi.
1985 rájes leat doassaguoddit olles riikkas vázzán uvssas uksii Girku heahteveahki fásta akšuvnnas, ja vuosttaš čoaggima rájes, mii lei 1967:s, leat norgalaččat oktiibuot addán badjelaš miljovnna ruvnno.
