Juohke vahku dieđihuvvojit IF dáhkádusfitnodagahkii 15 el-čiekčansihkkela suoláduvvon. Measta okta goalmmadasoasis buot sihkkelsuoládemiin, leat el-čiekčansihkkelat dahje el-sihkkel.
El-čiekčansihkkel suoládeamit gevvet dávjá dakkár báikkiin gos šaddá guođđelit sihkkela veaháš dobbelažžii, nugo spábbačiekčanšiljuin dahje sáttogáttiin.
– Olu el-čiekčansihkkelat suoláduvvojit maid gávpeguovddážiid ja rámbuvrraid olggobealde. Go skuvllat leat rahpas, oažžut mii doppe maid olu dieđuid suoládemiid birra. Dasa lassiin jávket maid el-čiekčansihkkelat ruovttuin, ja maid bargguid olggobealde, dadjá If dáhkádusfitnodaga gulahallanhoavda, Sigmund Clemetz.
Suollagat boagustit lásaid
Dáhkádusfitnodat meine suollagiidda lea sihkkellásaid beare álki rahpat.
– Norgga bivnnuheamos lássa lea dego stoagus hárjánan suollagiidda. Stállebáttiin giddet sihkkela, lea dego livččet vuššon spagehttiin čatnan sihkkela. Oažžu leat oalle gassa stállebáddi, dat liikká ii doala maide. Suollagat gálgalit dan moatti sekunddas, muitala Clementz.
Ávžžuha ruovdelása
Clementz lohká don fertet dahkat váttisin suollagiidda.
– Ruovdelássa gáibida earálágan reaidduid, ja dán ádjána maid guhkit billistit. Iskkadeamit čájehit ahte hálbbes ruovdelásat maid anihit bures. Mađi guhkit áiggi suollagat geavahit, dađi stuorát lea riska gávnnahallat, muitala Clementz.
