Eanaš trampolinevahágiin, mat dieđihuvvojit dáhkádusfitnodagaide, leat mánát geat njuikkodit ovttas trampoline alde. Jahkásaččat vahágahttet čuohtenáre máná iežaset.
Bátnevahágat leat dábáleamos vahágat maid mánát ožžot go njuikkodit trampoline alde, If dáhkádusfitnodaga dieđuid mielde.
– Bátnevahágiid bálddas leat ámadaddjovahágat ja doddjon juolggit ja gieđat dábálaččat. Go doadjá dávtti, de lea dávjá gahččan eret trampolines, ja bátnevahágiid ožžot go njuikejit nubbi nuppi njeaiga. Maŋimuš jagiid lea leamašan bággu vuovdit trampoline mas lea suodjalusneahtta, ja dat lea várra unnidan logu das gallis gahččet eret, dadjá If gulahallanhoavda Sigmund Clementz.
Ii gávdno almmolaš trampolinevahátstatistihkka Norggas. If meroštallá ahte dáhkádussuorgi oažžu sullii 120-150 vahága jagis. Dan jáhkket leat go mánáide lea nuvttá doavtterveahki Norggas.
