Chilenalaš Ana Tijoux lea nammaduvvon buoremus spánskkagielat ráppárin The Rolling Stones magasiinnas, ja lea nammaduvvon Latiidna-Amerihká deháleamos ráppárin internationála konteavsttas Newsweek magazines.
Dál lea son gearggus boahtit Riddu Riđđui fas, ja festiválajođiheaddji Sajje Solbakk illuda.
– De šaddá hirbmat feasta! Ana Tijouxas lea stuora internationála čuovvuleapmi buori ákkain; Sus leat nana, politihkalaš teavsttat maidda eamiálbmogat miehtá máilmmi sáhttet relateret. Daid ovdanbuktá skájaniin mii dahká ahte lea veadjemeahttun čuožžut jaska! Dán konseartta birra hállo hui sihkkarit maŋŋelaš, dadjá Solbakk preassadieđáhusas.
