Heahtás čájehuvvo mo sápmelaš ráhkkana sámi meanuide ja maid dat atná árvvus.
Outi Maarit Saara Magga dieđiha preassadieđáhusas ahte Duottar-Lappi luondduguovddážis, Eanodagas Heahtás, rahppo skábmamánu gávccát beaivvi «Sámi seremoniijat – konfirmašuvdna ja gásta – Konfirmaatio ja kaste – Confirmation and Baptism» čájáhus.
Movt duddjoma dáfus ráhkkanit
Čájáhusas muitala mo ráhkkanit Sámi seremoniijaide duodjekultuvrra geahččanguovllus. Muitalus ovdána máŋgga dásis: mielde leat duddjon, sámi árvvut, máilmmioaidnu ja vierut sámi vuoiŋŋalašvuođas ja risttalašvuhtii.
Čájáhusas muitaluvvo Ovllá Máret, Maarit Magga, ráhkkana seremoniijaide. Ráhkkaneami lea govven Josába Máhte Nilla-Máhtte maŋemuš guokte jagi. Gráfalaš olggosbuktima lea hábmen Tikkanen Workshop/Hannu Tikkanen.
Nákkosdutkkus
Čájáhusa leat dorjon ruđalaččat Suoma kulturruhtaráju Almmolaš foanda, Siida ja Sámi allaskuvla. Sámiráđđi lea dorjon prošeavtta, go leat čájáhusa olis hábmeme girjji. Čájáhus lea Maarit Magga dáiddalaš buvttadeapmi. Dat laktása dáiddalaš nákkosdutkamuššii, man Magga lea čállime Lappi universiteahta Dáidaga dieđagoddái. Magga bargá duoji ja hábmema stipendiáhtain Sámi allaskuvllas, mii ruhtada dutkamuša.
