Vuorrasat ja olbmot geain leat bistevaš buozalmasat fáhtehallet eanemus koronavirusii, muhto maiddai nuorra ja dearvvaš olbmot fáhtehallet.
VG čáli duorastaga ahte 11 pasieantat vuollel 50 jagi leat intensiivadivššus Norgga buohcciviesuin koronanjoammuma dihte. Guovttes leaba vuollel 24 jagi.
Ullevål buohcciviesu medisiinnalaš intensiivaossodaga jođiheaddji, Dag Jacobsen, oaivvilda ođđa dieđut USA:s, Dánmárkkus ja Norgga intensiiva-registaris geat leat bidjon buohccivissui, lea balddihahtti, čalla Aftenposten.
– Dat mii lea ođas, lea ahte nuorra ja dearvvaš olbmot maid buohccájit garrasit, nu ahte sii maid dárbbašit veahki respiratoras. Vuorrasat ja sis geas lea bissovaš buozalmasat leat ain eanet logus. Muhto dal mii oaidnit ahte nuorra ja dearvvaš olbmot maiddai fáhtehallet, dadjá Jacobsen Aftenpostenii.
– Dan dieđu fertet mii almmuhit vai nuorat maid váldet dán duođalažžan. Sii leat dan ráddjái eallán dego friddjain, muhto nu eai sahte joatkit, dadjá son.
(©NTB)
