Badjel bealli ođđaoahppan buohccedivššáriin háliidit bargat spesialistadearvvašvuođabálvalusain, seammás masset buohcceviesut eanemus buohccedivššáriid.
Badjel bealli ođđaoahppan buohccedivššáriin háliidit bargat spesialistadearvvašvuođabálvalusain, seammás masset buohcceviesut eanemus buohccedivššáriid.
Eanaš buohccedivššárat háliidit bargat spesialistadearvvašvuođabálvalusain, dahje buohcceviesuin maŋŋel go gerget oahpuinis, muhto dattetge álget eatnašat gielddaid dearvvasvuođa- ja fuolahusbálvalussii buoret bargoeavttuid geažil.
Statistihkalaš guovddášdoaimmahat lea geahčadan makkár geainnuid 3452 buohccedivššára lea válljen logi jagis, buot buohccedivššárat gerge oahpuinis 2004:s.
Masset eanemus buohccedivššáriid
Jagi maŋŋel go ledje čađahan oahpus, de barggai bealli buohccedivššáriin spesialistadearvvasvuođabálvalusain, eatnašat buohcceviesuin.
40 proseantta ges barge buohccedivššáriin gielddain.
Logi jagi maŋŋel ledje eambbosat guođđán spesialistadearvvašvuođabálvalusa go gielddaid dearvvašvuođasuorggi.
Sii geat guđđe dearvvašvuođasuorggi maid lassánedje dán áigodagas, muhtimat eai šat bargga ja earát ges leat álgán eará suorgái.
