Norgga buohccidivššárlihtu miellahtut, geat barget Borasdávddasearvvis, dieđihit vejolaš bargoheaitaga. Guokte beali deaivvadit disdaga riikasoabaheaddji luhtte.
Norgga buohccidivššárlihtu miellahtut, geat barget Borasdávddasearvvis, dieđihit vejolaš bargoheaitaga. Guokte beali deaivvadit disdaga riikasoabaheaddji luhtte.
Riikasoabaheaddji lea bivdán beliid boahtit soabadeapmái disdaga ja duorastaga dán vahkku.
Jus bealit eai soabat de álgá bargoheaitta. Borasdávdasearvvis barget 19 Norgga buohccidivššárlihtu miellahtu, ja sii álggahit bargoheaitaga miessemánu 22. beaivvi rájes.
Eavttut eai váldon ođđa šiehtadussii
Buohccidivššársearvvi miellahtut reagerejit go sin šiehtaduseavttut eai váldon mielde go Borasdávddasearvi celkkii eret Virke váldoorganisašuvnnas ja dieđihii NHO Abeliai.
NHO ja Borasdávddasearvi ii leat háliidan miehtat Norgga buohccidivššárlihtu gáibádusaide.
– Borasdávddasearvi mearrida gávdnet go čovdosa
Buohccidivššárat ballet maid ahte sin jietna ii gullo bálká- ja bargošiehtadallamiin. Borasdávdasearvvi ja NHO ođđa šiehtadus mielddisbuktá ahte buohccidivššárat eai šat beasa streiket.
– Lea hirpmahuhtti go Borasdávdasearvi doaivu ahte besset ná meannudit iežaset bargiid. Mii eat šiehtat heajut eavttuid iežamet miellahtuide eat ge atte iežamet bargoheaittarievtti. Borasdávddasearvvi guoddu lea mii mearrida gávdnat go čovdosa jođánit, lohká Buohccidivššárlihtu lihttojođiheaddji Eli Gunhild By preassadieđáhusas. (©NTB)
