Norgga guhkimus buohccidivššárstreaika lea nohkan go ođđa tariffašiehtadus lea sajis Norsk Sykepleierforbund ja NHO/Abelia gaskkas.
– Midjiide lei dehálaš ahte borasdávddasearvvi buohccidivššárat galget doalahit sin bálká- ja bargoeavttuid maŋŋel go álge NHO:i. Dan mii leat dál nagodan. Mii leat sihkkarastán iežamet miellahtuide rievtti čađahit bargoheaitaga šiehtadusas ja vuolemus bálkácehkiid mat čuvvot buohccidivššáriid suorggi dási mielde, muitala Norsk Sykepleierforbund (NSF) jođiheaddji Eli Gunhild By preassadieđáhusas.
Son rámida buohccidivššáriid geat leat ceavzán dan guhkimus bargoheaitaga man searvi goassege lea čađahan.
Sin bargoheaitta álggii loahpas miessemánu.
(©NTB)
