Sámi Duodji Sameslöjdstiftelsen ja Sámiráđđi lágidit duodjebeivviid Árvvesjávrris golggotmánu 20.–22. beivviid dán jagi.
– Duodjebeivviin áigut mii ávvudit Sámi Duoji 30 jagi, digaštallat sámi gálvomearkkaid ja fitnodatovdáneami, gullat gelddolaš logaldallamiid ja bargat joavkkuin áigeguovdilis áššiiguin, čállá Sámiráđđi iežas neahttasiiddus.
Konferánsa lea oaivvilduvvon duojáriidda ja olbmuide geat barget sámi kreatiiva ealáhusaiguin dahje leat miellahtut duodjeservviin.
Konferánsa lea ovttasbargu gaskal Sámi Duodji Sameslöjdstiftelsen ja Sámiráđi. Konferánssa leat ruhtadan Ruoŧa ja Norgga beale Sámedikkit, Ruoŧa Kulturráđđi, Sámiráđđi, Region Norrbotten, Sparebanken Nord ja USA ambassádat Norgga, Ruoŧas ja Suomas.
