Finnmárkku fylkasátnejođiheaddji Hans-Jacob Bønå (Olgeš) háliida čohkket buot fylkka sátnejođiheddjiid ja gielddadirektevrraid Čáhcesullui deaivvadeapmái.
Bovdehusreivves čállá Finnmárkku fylkasátnejođiheaddji Hans-Jacob Bønå dál álgá bargu hukset Finnmárkku fylkagieldda ođđasit, ja dan bargui háliidit gielddaid mielde.
– Ođđa fylkagielda galgá leat relevánta, oidnosis ja addit fálaldagaid ásiide, gielddaide, ealáhusaide ja eará positiiva fámuide geat háliidit váikkuhit ja ovdánahttit Finnmárkku. Mihttu deaivvademiin lea ahte mii galgat dovddadit guđet guoimmi ja buohkat sáhttet máhcahit ruoktot dainna dovdduin ahte fylkagielda lea gieldda lihtolaš. Mii leat gergosat veahkehit gos sáhttit, čállá Bønå preassadieđáhusastis.
Deaivvadeapmi galgá leat Čáhcesullos skábmamánu 29. beaivvi.
