Dutkan- ja alitoahppoministtar guođđá iežas ámmáha go mieđiha bargan stuora boasttuvuođa iežas masterčállosis.
Sandra Borch guođđá iežas dutkan- ja alitoahppoministerámmáha go lea gávnnahallan čállán iežas 2014 masterčállosis seamma maid eará studeanttat leat dahkan seamma fáttás. Borch čálii masterčállosa riektedieđusvuođafágas UIT Norgga árktalaš universitehtas.
Jus galgá gáldun atnit eará studeanttaid bargguid, de ferte čujuhit dan čállosis, muhto dan leat Borch dahkan.
Earret eará čállá e24.no ahte čállinmeattáhus, mii lea nuppi studeantta masterčállosis, gávdno maid Borch čállosis.
Čállit seamma maid eará studeanttat leat čállán, iige čujut dan gáldun, dat sáhttá mielddisbuktit ahte ii oaččo dohkkehuvvot čállosa.
Son lei Støre ráđđehusas álggos eanandoallo- ja biebmoministtar, ovdal go de lonuhii ja šattai dutkan- ja alitoahppoministtar. Dál lea Borch guođđán iežas stádaráđđeámmáha.
