-Almmuhus-
-Almmuhus-
GUOIMMUHEAPMIBoares njiŋŋelasain vuittii

Boares njiŋŋelasain vuittii

-

-

Guovdageaidnulaš Morten Johansen lea mannan vahkku vuoiti Ávvira ealgabivdogilvvus, son lei ge guvttiin ealggain searvan gilvui.

Mannan vahkkus serve čiežas Ávvira ealgabivdogilvui, odne vuorbádeimmet vuoitit ja dán vuoru vuittii guovdageaidnulaš Morten Johansen.

Son deaivvai maid leat maŋimuš bivdi guhte mannan vahkus searvvai gilvui, go vuorbáduvvui vuoitin de vuoitá Ávvira ealgabivdi gaibagahpira, Ávvira t-báiddi ja mátketelefonveaskku man Finnmárkkuopmodat FeFo lea skeŋken gilvui.

 

Guvttiin ealggain searvan

Johansen muitala ealgga báhčán mannan bearjadaga, Sáivvuomis ja son leage guvttiin ealggain searvan min gilvui mannan vahkkus.

Maŋit ealggain son vuorbáduvvui vahkkovuoitin:

– Dan ealgga birra hal ii leat nu olu muitalit, lei boares njiŋŋelas ja nagodin njáhkat dan mađe láhkat ahte bessen báhčit dan, čaibmá bivdi ieš.

 

Háliidat go vuoitit nie mo Morten? Searvva gilvui

 

Ii leat vihkken

Son muitala leamaš beatnagiin vázzimin go fuomášii ealgga.

– Beana dat dieđusge fuomášii dan álggus, čilge ieš bivdi.

Johansen muitala iežaset leamaš olusiid jođus dan beaivvi, ealgga deattu ii loga gal diehtit.

– Eat leat vihkken dan vuos, čilge son ja lea movttet go lea vuoitán gilvvu.

 

Ovddit vahku vuoiti: Searvvai ja vuittii

 

Gilvu

Gilvovahkku bistá vahkku, sotnabeaivvis diibmu 00.00 sotnabeaivái diibmu 23.59 rádjai, ja buohkat geat dan áigodagas leat searvan, leat mielde vahkkosaš vuorbádemiin vuossárggaid.

Gilvu bistá gitta golggotmánu 31. beaivái, nu ahte lea ain vejolaš searvat gilvui man gávnnat avvir.no neahttasiiddus.

Buohkat geat servet leat maiddái mielde váldovuoittu vuorbádeamis, váldovuoitu lea 5 000 ruvnno ovddas skeaŋkakoarta.

Dat guhte lea báhčán losimus ealgga, ges oažžu ealgagonagas dahje -dronnet gaibagahpira.

Ávvir sávvá lihkku vahkku vuoitái, ja giitit buohkaid geat leat searvan gilvui dássážii!

-Almmuhus-