Fargga beassá alit vuovttat meahcceolmmái, Bluppe, teáhterlávdái. Åarjelsaemien teatere lea ožžon 10 000 euro doarjjan Sámiráđis.
– Lea máilmme somá go beassat ollašuhttit dán plána. Leat bargan juo jagi ollášuhttit Bluppe bihtá. Dál plánejit bihtá čájehit boahtte giđa.
De čoggui ruhta
Ovdalaččas lea dát lulli-sámi teáhter ožžon 100.000 Nordlándda fylkkasuohkanis ja 150 000 Sámedikkis. Sii ledje jurddašan čájehišgoahtán dá mánáidbihtá juo dán jagi, muhto teáhterhoavda Cecilia Persson lohká sin maŋŋonan dan geažil go eai lean ožžon dan mađe doarjaga go dárbbašit. Norgga kulturráđđi ii leat juolludan maidege. Muhto dál gal besset álgit go Sámiráđđi juolludii 9 000 euro dán prošektii. Persson lohká alddiineaset vel ieškapitála mii gokčá bihtá goluid.
– Mii leat jurddašan unnibuš skuvlateáhterčájálmasa ráhkadit mii johtá maiddái smávva báikkiin. Das galget golbma neavttára, ja mi sávvat maid ovttasbarggu Beaivváš sámi teáhteriin, jus sin ođđa teáhterhoavda oaidná dán miellagiddevažžan, muitala Persson.
Áigáhaš beakkán
Bluppe birra leat olu mánáidgirjjit maid ruoŧa girječálli Inga Borg lea čállán. Vuosttaš girji bođii juo 1955:s ja ođđaseamos girji almmuhuvvui 2005:s.
Åarjelsaemien Teatere oaččui ge eanemus ruđa buot dan 28 prošeavttas mat ožžon dán jagáš kulturmearreruđaid. s
– Mis leat ge oalle olu golut go máŋga olbmo galget mátkkošTit bihtáin, Ii leat ártet go oaččuimet eanemus ruđa, dadjá Persson.
Dán jagi juolluda Sámeráđđi 120 000 euro kulturmearreruđaid. Dát dagaha birrasiid 1 025 760 norgga ruvnnu.
Ohcamušat gal bohte hui olu Sámiráđđái. Oktiibuot ledje 62 prošeavtta ohcan ruhtadoarjaga Sámiráđis, 486 395,82 euro dahje 4 157 711 norgga ruvnnu ovddas.
GEAT OŽŽO VEL SÁMIRÁĐI DOARJAGIID:
Musihkka
Hilda Länsman, Hildá Länsmana ja Solju musihkkajoavkku CD-skearru bádden ja buvttadan prošeakta, 4 000 euro.
Ára, ođđa CD-skearu ráhkadeapmái, gos luohti lea guovddážis, 6 000 euro.
Anna Näkkäläjärvi-Länsman, sámegielat soloalbuma buvttadeapmái 5 500 euro.
Elin Kåven, ođđa albuma ráhkadeapmái 7 000 euro.
Vasilij Jurievitj Maminov, skearru “Эвван Сапмелаш” (Ävvan Sapmelash) ráhkadeapmái, 1 000 euro.
Sara Ajnnak, musihka buvttadeapmái, 9 000 euro.
Sámi Jienat, “Luohtešuoŋat miehtá Sámi”, Uhcán dovddus luođit besset almmolašvuhtii, luohtekonsearttat, 3 000 euro.
Girjjálašvuohta
Davvi girji, Jekaterina Mečkina “Čuovvol jurdaga” girjji álmmuheapmái. Muitalusgirji mánáid ja ollesolbmuid váras davvisámegillii ja gielddasámegillii, 5 000 euro.
DAT, Julevsámegielat Harriet Nordlund muitalusa Årddå almmuheapmái, man Karin Tuolja lea jorgalan julevsámegillii, 4 000 euro.
Valentina Vyatjeslavovna Sovkina, Čállit girjji “Jagit dego helmmut čeabetbáttis”. Muitala sámi duojára Anastasia Jeliseevna Mozolevskaya eallima ja bargguid birra. 2 000 euro.
KulaCultura Publishing, “Sámi ráhkadusat Laponias muitalit”, 3 000 euro.
Čájáhusat
Keviselie/Hans Ragnar Mathisen, Ráhkadit čájáhusa “Sámi Áiggit”, govat 31 sámi neavresgári hearvvain, 2 500 euro.
Alexandra Artieva, Govvačájáhus “Boazodolliid eallimis: govva siskil”, 677,15 euro.
Seminárat ja sámegiella
SNF Sámi NissonForum, Seminára “Riekti oassálastimii – mearkkašupmi sosiála eallimii, dearvvašvuhtii ja veahkváldima eastadeapmái”, 4 500 euro.
Aleksander Georgievitj Juriev, gielddasámegiela sátnegirjjiid elektronalaš hápmái heiveheapmái, 1 822,85 euro.
Teáhter ja filbma
Åarjelhsaemien Teater AS, čájálmassii 10 000 euro.
Liselotte Wajstedt, filmma buvttadeapmái. Guhkes dokumentárafilbma Giron gávpoga sirdima birra, stuora ja unna perspektiivvas, 6 500 euro.
Sámi Teáhter Searvi: Sami Performing Arts and Visual Arts Festival in NYC, miessemánu 18.-22. 2015, 4 000 euro.
Ingá Márjá Sarre, “Manin lea riebanis vilges seaibegeahči ja eará muitalusat”, sámi muitalusárbevieruin, teáhteriin, dánsumiin, luđiin ja rappiin ráhkadit čájáhusa mánáide ja nuoraide, 1 500 euro.
Roza Ivanovna Yakovleva, Sámi Mánáid Teahter “Moaynas Lannj” (Máinnasgávpot), 1 000 euro.
Mánát ja nuorat
Sámi Nuorra, “Gávnnadeapmi 2015”, lágidit konfereanssa nuorra boazodolliide Barentsguovllus, loktet movt dálkádatrievdadusat vaikkuhit boazodollui, 7 500 euro.
Alla Valentinovna Vasilieva, Sámi Labyrinta, 3 000 euro.
Festiválat
Riddu Riđđu, lágidit nuoraide doalut vai čatnet oktavuođaid gaskkal álgoálbmogiid, 4 000 euro.
Vuohču Sámiid Searvi rs, Vuotson Lapin markkinat, lágiduvvon 2006 rájes. Prográmma gos sámi kultuvra lea oidnosis, 2 000 euro.
Anára Sámisearvi rs, Ijahis Idja 2015 – alkuperäiskansojen musiikkitapahtuma 3 500 euro.
Johtti Sápmelaččat rs, Heahtá Márjjábeaivvit 2015. Gilvvohallamat ja kulturdoalut ordnejuvvon Sámi vugiid mielde, 9 000 euro.
Márkomeannu, festivála lágideapmái 4 000 euro.
Sámi dáidaga doarjjasearvi, Skábmagovat-eamiálbmogiid filbmafestivála 2016, 5 000 euro.
