-Almmuhus-
-Almmuhus-
OĐĐASAT Blindeforbundet gáibida el-spárkensihkkel muddema dakkaviđe

Blindeforbundet gáibida el-spárkensihkkel muddema dakkaviđe

-

-

Johtolatministtar Knut Arild Hareide lea ávaštan čavgadit muddet el-spárkesihkkeliid boahtte jagi rájes. Blindeforbundet gáibida muddema dál.

– Mii gáibidat ahte vázzinravda galgá leat olámuttos, ahte galgá sáhttit joavdat vázzinravdi dan haga ahte guossá sihkkeliidda ja ahte dát dahkko jođánit. Mis leamaš váttisvuođat dáinna diimmá cuoŋománu 12. beaivvi rájes, dadjá Blindeforbundet jođiheaddji Terje André Olsen NRK:i.

Johtolatministtar Knut Arild Hareide (KrF) galgá duorastaga ja bearjadaga čoahkkinastit máŋggain gielddan ja el-spárkasihkkelaktevrrain gávnnahit mii sáhttá dahkkot. Maŋŋebárgga logai son NRK:i ahte Johtolatdepartemeantta bargá dál dainna ahte oažžu garraset muddema boahtte jagáš sesoŋgii.

Dat ii leat doarvái buorre, oaivvilda Terje André Olsen. Son oaivvilda ahte ferte dakkaviđe doaimmahit muddema láigoheames el-spárkensihkkeliid. Blindeforbundet lea ságastallan Johtolatdepartemeanttain dán ášši birra diimmá rájes, ja dál ballet ahte guđđet ášši.

– Mun balan ahte ii geava mihkkege, go johtolatministtar Dale logai seamma go Hareide dajai diimmá čakčamánu. Son čoahkkinasttii singuin leat láigohit el-spárkensihkkeliid, ja logai ahte ráđđehus áiggui dohppet ášši jus aktevrrat eai ieža ordnen. Nu ii leat geavvan, dadjá Olsen.

©NTB

- Advertisement -
-Almmuhus-