-Almmuhus-
SMÁVVAOĐĐASATČalmmehemiid searvi háliida gieldit dolla­rusoniid priváhta olbmuide

Čalmmehemiid searvi háliida gieldit dolla­rusoniid priváhta olbmuide

-

-

Maŋimuš logi jagi leat badjel 100 olbmo ožžon vahágiid čalbmái dollarusoniid dihtii. Vaikko lea lassánan fokus suddjenlásiide, de leat ain olu vahágat.

– Iskkadeamis, man Ipsos lea dahkan Norgga čalmmehemiid searvvi ovddas 2020:s, bođii ovdan ahte juohke viđat olmmoš ii geavahan suddjenlásiid go cahkkehii dollarusoniid, dadjá Terje André Olsen,  Norgga Čalmmehemiid searvvi fylkkajođiheaddji.

Iskkadeamis dadjet 44 proseantta álbmogis ahte ii galggaše lohpi vuovdit dollarusoniid priváhta olbmuide.

Leat eanemus almmáiolbmot geat vaháguvvet dollarusoniin. 2009-2021 áigodagas leat 65 proseantta vaháguvvan almmáiolbmot, 20 proseantta nissonolbmot ja 15 proseantta dáhpáhusain ii leat sohkabealli dieđihuvvon. Leat maid eanemus nuorat geat vaháguvvet dollarusoniin.

-Almmuhus-