Birrasii 800 000 gálvvu, maid Prisjakt čuovvu mielde, leat divron badjel 10 proseanttain dušše golggotmánus. Dat dáhpáhuvvá ovdal Black Friday fálaldatkampánjjaid.
Dán rádjai golggotmánus leat 33 proseantta gálvvut maid Prisjakt čuovvu, divron, dieđiha E24. 13 proseantta, measta 800 000 gálvvu leat divron eanet go 10 proseantta.
Prisjakt Norge hoavda, Christoffer Reina, dieđuid mielde eai leat goassege ovdal leamašan Black Friday ovdal, mii dán jagi lea skábmamánu 24. beaivvi, leamašan dákkár haddelassáneamit.
– Dat lea suorggahahtti, negatiiva treanda, jus buohtastahttá golmmain maŋemus jagiin. Ođđa márkanfievrridanláhka lea dagahan ahte gálvvut divrot golggotmánus, dan dihte go buvddat háliidit alit ovdalaš hatti mainna buohtastahttet Black Friday rabáhtaid, dadjá Reina.
Golggotmánu 1. beaivvi rájes cealká ođđa márkanfievrridanláhka ahte jus ovdahaddi galgá leat duohta, de ferte almmuhuvvon ovdahaddi leat dat hálbbimus haddi mii buktagis lea leamaš maŋemus 30 beaivvi ovdal kampánjja.
(©NTB)
