-Almmuhus-
OĐĐASATHirbmat gávppašanolahus maŋŋel Black Friday

Hirbmat gávppašanolahus maŋŋel Black Friday

-

-

– PostNordii lea dát olahus. Mii leat árvvoštallan Black Friday buktit birrasii 40 proseantta lassáneami diimmáža ektui. Ollu fitnodagat leat viiddidan fálaldagaid nu ahte bistet olles vahkku, ja mii vuordit seamma lassáneami das, muitala PostNord gulahallan- ja márkandirektevra Ole A. Hagen.

PostNord mihtida mánnosaččat neahttagávppašemiid, ja čájeha ahte 78 proseantta norgalaččain gávppašedje Norgga neahttagávppiin, ja 35 proseantta gávppašedje olgoriikkagávppiin neahtas.

Dál vurdet 1,2 miljovnna norgalačča gávppašit birrasii 2350 ruvnno juohkehaš, iskosiid vuođul maid Nordeal ja Opinion2 leat čađahan.

 

Ollu Kiinnábuktagat

Iskosat čájehit ahte vuosttaš jahkebeali gávppašeimmet buot eanemusat Kiinnás (33 %) ja Stuorabritánnias (27 %) ja Amerihkás (24 %)

– Stuora aktevrrat nu go Alibaba, ID.com ja Wish leat dat geat jođihit ovddos guvlui Kiinná ovdáneami. Gálvvut nu go elektrovnnalaš smávvadiŋggat ja biktasat leat viiddiduvvon ja lassánan. Dál leat čábbudahttingálvvus gitta biilaávdnasiidda dain gálvvuin, muitala Hagen.

 

Lassi bargiid bálkáhan

Norgalaččat gávppašedje oktiibuot 20,4 miljárdda ovddas vuosttaš jahkebealis dán jagi. Olles Davviriikka golahii 89,9 miljárdda ruvnno.

PostNord čállá maid neahttasiiddus ahte sii leat šaddan lassi bargiid váldit veahkkin vai nagodit buktit buot páhkaid maid olbmot leat diŋgon vahkku 47.

PostNord lea dál gieđahallame 900 000 páhka, ja rahčet kapasitehtain doalvut páhkaid, dieđiha PostNord neahttasiiddus.

-Almmuhus-