Uppsala universitehta háliida máhcahit sámi albmá bázahusaid Arjepluovvái vai sáhttet dan hávdádit.
Uppsala universitehta lea vurkkodan Árjepluove albmá bázahusaid badjel 100 jagi. Lea Jörgen Heikki, Sameradion & SVT Sápmi bargi, gii 10 jagi dás ovdalis fuomášii gii dat olmmoš lei maid Árjepluoviesámesearvi lea bivdán Uppsala universitehta máhcahit.
Heikki fuomášii ahte logi jagi áigi, diggegirjjiid vuorkkáid guorahallama bokte, ahte albmá namma lei Pär Larsson Snunk, gii dubmehalai ágaláš bággobargui ja gii jámii Långholmen giddagassii 1892 miessemánu viđát beaivvi 29-jahkásažžan. Duon bajábeale liŋkka bokte sáhttá gullat Heikki go muitala mo son Uppsala universitehtas fuomášii guhtta dákterikki ja 57 oaiveskálžžu ja dasa čadnon diehtu; lapp (sápmelaš). Čohkkejuvvon
Jagi 1996 gávdne birrasii 3000 olbmobázahusa vuorkkáin mat bohtet miehtá máilmmi. 2020:s kártegođii Uppsala universitehta buot daid olbmobázahusaid ja bálkáhedje dákteáššedovdi, osteologa, dasa. Sivva kártemii, lohket jearahallamis, lea go ii sáhte olbmuid árbevieruid badjelgeahččat ja daid galgá máhcahit dohko gos lea vižžon, iige čiegadit Uppsala universitehta rolla dán áššis.
