Dál, go dáiddaskuvlla ruhtaseahkka lea guoros, de leat oahppit geahččaleame gádjut skuvlla ođđa vugiiguin.
Dál, go dáiddaskuvlla ruhtaseahkka lea guoros, de leat oahppit geahččaleame gádjut skuvlla ođđa vugiiguin.
Dáiddaskuvlla oahppit Kárášjogas leat dál sádden reivve lagabui 20 fitnodahkii ja ánuhit doarjut skuvlla ruđalaččat vai skuvla ii dárbbat oalát heaittihit doaimma.
Dáiddaskuvllas ii leat šat ruhta, ja go lea vuođđudushámis, de ii sáhte skuvla joatkit go lea vuolláibáza ja ferte oažžut ruhtadoarjaga eará ládje dahje jo oalát heaittihuvvot.
Loga maid: – Dáiddár galgá veahkehit nubbi nuppi
Ohcan ruhtadoarjaga
Skuvlla stivra lea ohcan lassidoarjaga Kárášjoga gielddas, Sámedikkis ja fylkkasuohkanis. Sihke gielda ja Sámediggi lea goabbáge juolludan 250 000 ruvnno, dan eavttu vuođul ahte fylkkasuohkan maid juolluda seamma sturrosaš supmiin.
Fylkkasuohkan buvttii signálaid ahte eai nagot ruđalaččat doarjut, muhto go oahppit álggahedje ruhtačoaggima, de bođii fylkkasuohkanis ođđa diehtu ahte sii soitet sáhttit juolludat ovtta oasi supmis.
Loga maid: – Áiggun geahččalit váikkuhit
Eahpesihkarvuohta
Oahppit oaivvildit dat lea eahpesihkkaris signála fylkkasuohkanis ja danne áigot dál vuovdit dáidagiid ja čoaggit ruđa vai gádjot oahppofálaldaga, mas lea sámi ja sámegiel sisdoallu.
– Danne mii dál oaidnit dárbbu ánuhit ruđalaš doarjaga fitnodagain, ja sávvat ahte fitnodagat oidnet dehálašvuođa ahte nuorat leat dáppe. Vaikko eat leat dovddus dáiddárat vel, ja min govain ii leat nu alla árvu ruđalaččat, de aŋkke vuovdalit iežamet dáidaga, muitalit dáiddaskuvlla oahppit. Oahppit geat leat sádden reivve fitnodagaide leat Elin Andersen, Máija Riitta Rasmus, Lisa Marie Boine, Else Marie Isaksen, Laila Labba ja Ragnhild L. Nystad.
Ávvir lea geahččalan oažžut oktavuođa muhtin fitnodagaiguin maidda leat sádden reivve, muhto eat leat lihkostuvvan oažžut sin ságaide.
