Buot viessoeallit maid koronanjoammuduvvon olbmot eaiggáduššet Hong Kongas galget dál erremii.
Beana masa lea njommon korona, gullá olbmui geasa lea njommon korona.
– Iskosat njunis ja njálmmis čájehedje positiivan covid-19 virusii, dadjá Kiinná eiseválddiid ságadoalli.
Eiseválddit dieđihit ahte buot viessoeallit mat gullet olbmuide geain lea koronavirus, galget biddjot erremii. Beana masa lea njommon lea juo 14 beaivásaš erremis, muhto eai leat dávdamearkkat njoammudávdii, dieđihit eiseválddit.
