-Almmuhus-
-Almmuhus-
OĐĐASAT Bargiidbellodat stivra rievdadan oainnu ovdalaš jahkečoahkkima

Bargiidbellodat stivra rievdadan oainnu ovdalaš jahkečoahkkima

-

-

Finnmárkku Bargiidbellodaga stivra rievdada árvalusa ja dáhttu hilgu Tromssa ja Finnmárkku fylkkašiehtadusa, moadde diimmu ovdal go jahkečoahkkin álgá Girkonjárggas odne.

Vuostálastin bárru man Finnmárkku Bargiidbellodat lea vásihan maŋimuš vahkuid, dagaha ahte fylkkastivra rievdada oainnus dainna sávaldagain ahte šattašii ovttajienalaš mearrádus fylkajahkečoahkkimis.

 

Ođđa árvalus

– Mii ovddidat ođđa árvalusa. Dat ii leat vuos gárvvis, muhto konklušuvdna lea ahte stivra árvala Finnmárkku Bargiidbellodaga jahkečoahkkima hilgut Tromssa ja Finnmárkku ovttastahttinšiehtadusa, dadjá Finnmárkku Bargiidbellodaga nubbin jođiheaddji ja Hammerfeastta sátnejođiheaddji Alf E. Jacobsen NTB:ii.

Maŋimuš beivviid leat máŋggain báikkálaš servviin leamaš čoahkkimat, gos miellahtut čielgasit hilgot šiehtadusa.

Maŋŋil go stuorámus báikkálaš searvi, Hammerfeasta, maid searvvai sin gaskii geat vuostálastet dán, de čielggai ahte eanetlohku jahkečoahkkima sáttaolbmuin bohtet jienastit šiehtadusa vuostá.

 

Maid rievdadan oainnus

Árabus čálii Ávvir ášši mas lei čielggas ahte Nuorta-Finnmárkku sátnejođiheaddji vuostálastet šiehtadusa, Guovdageainnus sátnejođiheaddji Johan Vasara ges doarjjui šiehtadusa dalle.

Dál lea son ge rievdadan oainnus, NRK Sámi rádiosáddagis logai son bearjadaga buoremussan Finnmárkui jus hilgot šiehtadusa.

-Almmuhus-