Bargiidbellodaga (Bb) máŋga báikkálaš searvvi geavahedje 2,5 miljovnna Facebook-almmuhemiide válgagiččus, eanemus buot bellodagain. Ruksesbellodat ja Kristtalaš álbmotbellodat geavahedje unnimus.
Professor Bente Kalsnes Høyskolen Kristianias čállá ahte almmuheapmi sosiála mediain geavahuvvui olu mobiliseret jienasteddjiid válggas.
Son lea viežžan loguid Facebooka almmuhusarkiivvas mat čájehit ahte Bb geavahii čielgasit eanemusat Facebook-almmuhemiide. Facebook lea dat sosiála media mas leat eanemus geavaheaddjit Norggas.
Olgeš geavahii masá seamma olu – 2,3 miljovnna. Dasto čuovui Ovddádusbellodat 1,2 miljovnnain ja MDG, mas lei dušše badjelaš miljovdna.
Eanaš almmuhusat ledje iešguđetlágan báikkálaš servviid várás.
(©NTB)
