Bearjadaga lea áigemearri dieđihit iežas Barentsčuoigamii, vai olle visuma oažžut ovdal čuoigama mii lea njukčamánu 12. beaivvi.
Bearjadaga lea áigemearri dieđihit iežas Barentsčuoigamii, vai olle visuma oažžut ovdal čuoigama mii lea njukčamánu 12. beaivvi.
Barentsčuoigandoalut leat lágiduvvon 1985 rájes, ja leat čuoigamat mat mannet golmma riikaráji rastá.
Vuolgga lea Rajakoskis, Ruošša beal ráji, ja olles láhttu lea 12 km guhku. Čuoigamis leat guokte luohká: Suoma-, Norgga-, ja Ruoššarádjeduollárat ovtta luohkás, ja nubbi luohkká lea rabas luohkká.
Visuma ferte ollet ohcat
Barentsčuoigamat eai leat čuoigandoalut maidda sáhttá vuordit dieđihit iežas beaivvi ovdal lágideami – jus ii leat multivisum. Sii geain lea multivisum dahje rádjeássiduođaštus eai dárbbaš dieđihit čuoigamiidda ovdal go njukčamánu 1. beaivvi.
Bearjadaga 19.2. lea áigemearri dieđihit iežas Barentsčuoigamii, vai olle oažžut visuma ovdal čuoigama.
Fárrolaga mátkkoštit
Buohkat fertejit mátkkoštit fárrolaga iige leat vejolaš sierra biillain vuodjit dohko. Vuolgga lea Girkonjárggas bussiin.
Lea áidna háve go lea vejolaš fitnat golmmariikkamuvrras ja Ruošša, Norgga ja Suoma suodjalusat leat doppe bearráigeahččame ahte čuoigit čuvvot lobálaš láhtu.
Álbmotdoalut Rajakoskis
Rajakoski ássit ráhkadit álbmotdoaluid čuoigamiid oktavuođas gos beassá oastit Ruošša biepmu, mátkemuittuid ja eará. Lágideaddjit (Murmánskka falástallanlávdegoddi) ávžžuha olbmuid bivvubiktasiid coggat vai eai galbmo olgodoaluin.
Eahkedis lea fas sáhttu ruovttoluotta Girkonjárgii ja lágideaddji ávžžuha olbmuid vel váldit mielde niestti go bussemátki bistá sullii golbma diimmu.
