Alla reanttut leat addán báŋkkuide olahusdietnasa dán jagi golmma vuosttaš kvartálas. Diimmá ektui leat netto reantoboađut lassánan 30 proseanttain.
Báŋkkuid reantodássi lea dál alimus mii lea statistihkas mihtiduvvon goalmmát kvartála loahpas, čájehit SGD ođđa logut.
Báŋkkut ožžo oktiibuot 95,8 miljárdda ruvnnu netto reantoboađuid vuosttaš golmma kvartálas dán jagi. Dat lea 30 proseantta eanet go diibmá seamma áigodagas.
– Vaikko nettoreantu lea hirbmat stuoris, de oaidnit mii ahte báŋkkuid reantogolut sturrot jođáneappot go reantoboađut. Dan sáhttá čilget dainna ahte báŋkkuid reantogolut álggos ledje vuollegeappot go reantoboađut, dadjá ráđđeaddi Karl Henrik Nordbakken SGD:i.
(©NTB)
