Finnmárkku politiijat dárkkistedje johtolaga moatti guovllus bearjadaga.
Finnmárkku politiiját leat bearjadaga beaivet lásermihttuin dárkkistan leahtu biillain, sihke Deanus ja Šuoššjávrri lulábealde.
Badjel bealli sis geat vudje politiijaid meaddel Šuoššjávrri guovllus vudje beare alla leahtuin. Politiijat duoguštedje guokte vuodjinkoartta ja 12 vuoddji sáhkohalle. Alimus leahttu mihtiduvvui 118 kilomehtera diimmus, báikkis gos lea lohpi vuodjit 80 kilomehtera diimmus.
Deanus sáhkohalaiga guovttis alla leahtu geažil ja okta biilavuoddji sáhkohalai mobiilatelefovnna geavaheami geažil. Guovllus lea lohpi vuodjit 60 kilomehtera diimmus ja alimus leahttu mihtiduvvui leat 73 kilomehtera diimmus.
