Romssa suohkanis leavvá koronavirus ja danin ávžžuhuvvojit olbmot geavahit njálbmesuoji kollektiivajohtolagas, táksiin ja buvddain.
Romssa suohkanis lea dán vahkkus njommon koronavirus badjel 50 olbmuid. Vai eai galggaše dárbbašit ásahit báikkálaš koronagáržžidusaid geasseluomus, de ávžžuhit olbmuid geavahišgoahtit njálbmesuoji.
– Romssas lea olu njoammun, ja danin ávžžuhit olbmuid geavahit njálbmesuoji kollektiivajohtolagas, táksiin ja buvddain, dieđihii suohkan preassakonferánssas ikte.
Bearjadaga ledje Romssas 64 olbmo leat isolašuvnnas ja 220 olbmo ges erremis.
